गुर्भाकोट, सुर्खेत । बिपन्न, असहाय र जेहेन्दार विद्यार्थीको लागि गुर्भाकोट-४ सहारेको सामुदायिक वनले विद्यार्थी लाई सहयोग गरेको छ ।
श्री जनसेवा आधारभुत (१-८) गुर्भाकोट-४ सहारे सुर्खेतमा अध्ययनरत गरिव तथा असहाय ३३ जना विद्यार्थीहरु छात्र तथा छात्रालाई शैक्षिक सामाग्री र स्टेसनरी सामान वितरण गरिएको छ भने सो विद्यालयलाई रू १५,०००/- (पन्ध्र हजार) नगद सहयोग गरिएको छ ।
सो कार्यक्रममा गुर्भाकोट सामुदायिक वनका अध्यक्ष श्री नरबहादुर खत्रीले आफ्नो राय राख्ने क्रममा सामुदायिक वनको तर्फबाट यस्ता राम्रा कार्य अझै गर्दै जाने र वन तथा वातावरण पनि जोगाउन आफू अहोरात्र लागि रहने बताउनु भएको छ , स्कुल विव्य स अध्यक्ष कुलबहादुर वलीले पनि यो सहयोगको लागि धेरै धेरै धन्यवाद दिनु भएको छ भने सो कार्यक्रममा गुर्भाकोट सामुदायिक वनकि कोषाध्यक्ष टीका बिष्टले ती असहाय गरिव तथा जेहेन्दार बच्चालाई टीका लगाई शुभकामना दिनु भएको थियो । सो कार्यक्रम जनसेवा आ वि सहारेको प्राङ्गणमा भएको थियो ।
