बाइपासमा युवक मृत फेला

काठमाडौं । काठमाडौंको बाइपासमा एक युवक मृत फेला परेका छन् । गएराति पौने १२ बजे काठमाडौं महानगरपालिका-१६ बालाजु बाइपासस्थित प्राइम बैंकको पार्किङमा अन्दाजी २६ वर्षीय युवक मृत फेला परेका हुन् ।

जिल्ला प्रहरी परिसर काठमाडौंका एसपी अपिल बोहराले स्थानीयले खबर गरेपछि प्रहरी घटनास्थल पुग्दा उनी मृत फेला परेका थिए। ती युवकको साथबाट राहदानी भेटिएको र त्यसमा रहेका विवरणका आधारमा उनको आफन्तहरू खोज्ने प्रयास भइरहेको प्रहरीले जनाएकाे छ।

शव पोस्टमर्टमका लागि त्रिवि शिक्षण अस्पताल लगिएको एसपी बोहराले जानकारी दिए। घटनाबारे अनुसन्धान भइरहेको पनि उनले बताए।